អាជ្ញាធរស្រុករំដួលចុះបង្រ្កាបមេឆ្នោតវៀតណាម និងកូនកញ្ច្រែង ដែលជ្រកក្រោមអាជ្ញាប័ណឆ្នោតជាតិ
ស្វាយរៀង៖ មហាជនអបអរសាទរដែលសមត្ថកិច្ចចុះបង្ក្រាបល្បែង ជាពិសេសល្បែងកន្ទុយលេខ (កន្ទុយលេខវៀតណាម កន្ទុយលេខខ្មែរ) ជ្រកក្រោមស្លាកឆ្នោតជាតិជាច្រើន ដែលមានអាជ្ញាប័ណ្ណស្របច្បាប់ លឺថាក្នុង១ថ្ងៃចេញ០៤ដង ចាប់ពីម៉ោង១២រហូតដល់យប់ គឺពេញនិយមណាស់មិនថាប្រជាពលរដ្ឋទេគឺមានទាំងមន្ត្រីក៏ចាក់កន្ទុយលេខដែរ តាំងពីជនបទរហូតដល់ក្រុង ។ ការចុះបង្រ្កាបករណីល្បែងខុសច្បាប់នេះ នៅល្ងាចថ្ងៃទី២២ ខែវិច្ឆិកា ឆ្នាំ២០២០ ដោយមានការយកចិត្តទុកដាក់នឹងចង្អុលបង្ហាញពីលោក មាស ធួក អធិការនគបាលស្រុករំដួល ។
តាមសមត្ថកិច្ចនគរបាលស្រុករំដួលបានឲ្យដឹងថា ការចុះបង្ក្រាបនេះ កម្លាំងអធិដ្ឋាននគរបាលស្រុករំដួល សហការជាមួយកម្លាំងប៉ុស្តិ៍រដ្ឋបាលឃុំកំពង់ចក ចុះស្រាវជ្រៀវយ៉ាងយកចិត្តទុកដាក់ឃើញថា មានកូនកញ្ជ្រែង កត់ឆ្នោតកន្ទុយលេខវៀតណាម ជ្រកក្រោមស្លាក ឆ្នោតស្របច្បាប់ពិតប្រាកដមែន ។ ទើបសមត្ថកិច្ចកោះហៅ មេឆ្នោតទាំងនោះមកអធិការអធិដ្ឋាននគរបាលស្រុករំដួល ធ្វើការអបរំ ណែនាំ និងធ្វើកិច្ចសន្យា ដល់មេឆ្នោតទាំងនោះឱ្យបញ្ឈប់កត់កន្ទុយលេខវៀតណាម បន្ទាប់ពីអប់រំនិងធ្វើកិច្ចសន្យារួចមកក៏ឱ្យត្រឡប់ទៅផ្ទះវិញ ។
ការចុះបង្ក្រាបនេះដែរ ធ្វើឲ្យប្រពលរដ្ឋក្នុងស្រុករំដួលមានចិត្តសប្បាយរីករាយ និងអបអរសារទដល់លោកលោក មាស ធួក អធិការនគបាលស្រុករំដួល និងសមត្ថកិច្ចថ្នាក់ក្រោម ដែលតែងតែយកចិត្ត ទុកដាក់ក្នុងការបង្រាប ល្បែងសើសង គ្រប់ប្រភេទ ។ ដោយឡែកមហាជនមួយចំនួនក៏បានខកចិត្តដោយបញ្ចេញមតិថា បើអនុញ្ញាតិឲ្យមានឆ្នោតជាតិ កន្ទុយលេខលក់ស្របច្បាប់ ហើយបិតល្បែងអត់ច្បាប់បានឬអត់ បើល្បែងអត់ច្បាប់តែងតែទៅជ្រកក្រោមស្លាកល្បែងមានច្បាប់បែបនេះ អ្នកលេងល្បែង ពេលចាញ់ល្បែងមិនថាចាញ់ល្បែងស្របច្បាប់ឬល្បែងអត់ច្បាប់ទេគឺអស់ប្រាក់ដូចគ្នា ល្បែងនាំមកអំពើហិង្សាក្នុងគ្រួសារ ល្បែងនាំមកចោរកម្ម គឺចៀសមិនផុតឡើយ ។
ក្នុងករណីនេះដែរលោក មាស ធួក អធិការនគបាលស្រុករំដួលបានប្រាប់អ្នកសារព័ត៌មានយើងនៅល្ងាចថ្ងៃទី២២ ខែវិច្ឆិកា ឆ្នាំ២០២០ថា លោកពិតជាមានសេចក្ដីរំភើបចិត្តជាខ្លាំង នៅពេលដែលពលរដ្ឋនិងអ្នកសារព័ត៌មាន ដែលរាយការណ៍និងផ្តល់ព័ត៌មានដល់សមត្ថកិច្ចក្នុងស្រុករំដួល ហើយលោកនឹងបញ្ជាឲ្យកម្លាំងសមត្ថកិច្ចអធិការដ្ឋាននគបាលស្រុក សហការជាមួយកម្លាំងនគបាលប៉ុស្ត៍រដ្ឋបាលចុះបង្រាបទាំងអស់ ឱ្យតែសមត្ថកិច្ចយើងរកឃើញថាមេឆ្នោតទាំងនោះ លួចកត់កន្ទុយលេខខុសច្បាប់ត្រូវតែបង្ក្រាប ។ លោក មាស ធួក បានបន្តថា យើងសង្កេតឃើញថានៅក្នុងក្រុងស្វាយរៀងទាំងមូល ក៏ឃើញមានលេងល្បែងកត់កន្ទុយលេខដោយខុសច្បាប់ជាច្រើនផងដែរ ដូចច្នេះហើយសូមឱ្យសមត្ថកិច្ចនៅមូលដ្ឋានចុះពិនិត្យនិងអនុវត្តន៍ផង ៕ ដោយៈPK
