ឃាត់ខ្លួនស្រ្តី៥នាក់ដែលញៀននិងល្បែងយកទៅផាកពិន័យនិងធ្វើកិច្ចសន្យាឱ្យរាងចាល

39

ខេត្តប៉ៃលិន៖ក្រុមស្ត្រីញៀនល្បែងក្មេងចាស់ចំនួន៥នាក់ ដែលញៀនងុបងុលនិងល្បែងផ្លេចបាយភ្លេចទឹកនោះត្រូវបានកម្លាំងនគរបាលឃាត់ខ្លួននាំយកទៅ ធ្វើសាវតាជាតិ តម្លើងមុខសញ្ញា ធ្វើកិច្ចសន្យារាងចាល និងផាកពិន័យ រួចឱ្យសាច់ញាតិបងប្អូនមកធានាយកទៅ ផ្ទះវិញរៀងៗខ្លួន។

ការបង្ក្រាបក្រុមស្ត្រីញៀនល្បែងនេះបានធ្វើឡើងកាលពី ថ្ងៃទី០៩ ខែមករា ឆ្នាំ២០២៣ នៅចំណុចបរថ្មី ស្ថិតក្នុងភូមិបរតាំងស៊ូ សង្កាត់បយ៉ាខា ក្រុងប៉ៃលិន ខេត្តប៉ៃលិន។

យោងតាមរបាយការណ៍របស់សមត្ថកិច្ច ឱ្យដឹងថា ស្ត្រីទាំង ៥នាក់ រួម មាន ៖ ទី១- ឈ្មោះ ហុន សុខឡេង អាយុ២១ឆ្នាំ មុខរបរម ផ្ទះ អ្នកចាក់ខ្លាឃ្លោក ទី២- ឈ្មោះ ធា ចរចរិយ អាយុ៣១ឆ្នាំ មុខរបរមេផ្ទះ អ្នកចាក់ខ្លាឃ្លោក ទី៣- ឈ្មោះ ធ្នឹម រស្មី អាយុ១៥ឆ្នាំ ជាបុគ្គលិកកាស៊ីណូ អ្នកចាក់ខ្ល ឃ្លោក, ទី៤-ឈ្មោះ មាន កញ្ញា អាយុ៣៥ឆ្នាំ មុខរបរមេផ្ទះ អ្នកលេងបៀរ ស៊ីគូទឹក និងទី៥-ឈ្មោះ ភិម ចិន្តា ភេទ ស្រី អាយុ៥០ឆ្នាំ មុខរបរមេផ្ទះ អ្នកលេងបៀរស៊ីគូទឹក។ អ្នក ទាំង៥នាក់នេះ រស់នៅភូមិបរតាំងស៊ូ សង្កាត់បយ៉ាខា ក្រុង ប៉ៃលិន ខេត្តប៉ៃលិន។

ក្រោយធ្វើការសាកសួររួចមកអ្នកទាំង៥នាក់នេះបាន សារភាពថាពួកគាត់ពិតជាបានលេងល្បែងស៊ីសងខុស ច្បាប់ ដោយលេងបៀរស៊ីគូទឹក និងខ្លាឃ្លោក ពិត ប្រាកដមែន។ ពាក់ព័ន្ធនឹងករណីនេះ កម្លាំងនគរបាលបានធ្វើសាវតាជាតិ តម្លើងមុខសញ្ញា ធ្វើកិច្ចសន្យារាងចាល និងផាកពិន័យ រួចឱ្យសាច់ញាតិបងប្អូនមកធានាយកទៅផ្ទះវិញរៀងៗ ខ្លួន៕