Connect with us

បច្ចេកវិទ្យា

ក្រោយយោធាដណ្ដើមអំណាច​ និង​ ចាប់ខ្លួន​ លោកស្រី​ ស៊ូជី អាមេរិកគំរាមដាក់ទណ្ឌកម្មនៅក្នុងប្រទេសមីយ៉ាន់ម៉ាឡើងវិញ​

Published

on

បរទេស៖ ប្រធានាធិបតីអាមេរិក លោក​ ចូ​ បៃដិន​ (Joe Biden) បានគំរាមដាក់ទណ្ឌកម្មនៅក្នុងប្រទេសមីយ៉ាន់ម៉ាឡើងវិញ​ បន្ទាប់ពីយោធារបស់ប្រទេសនេះបានចូលដណ្តើមអំណាច។

កងទ័ពមីយ៉ាន់ម៉ាបានចាប់ឃុំខ្លួន​ លោកស្រី​ អ៊ុងសាន​ ស៊ូជី​ (Aung San Suu Kyi) និង ក្រុមមេដឹកនាំជាប់ឆ្នោតផ្សេងទៀត​ ដោយបានចោទប្រកាន់គណបក្សរបស់​ លោកស្រី​ ស៊ូជី​ ថាបានលួចបន្លំសន្លឹកឆ្នោតក្នុងការបោះឆ្នោតសកលកាលពីវិច្ឆិកា​ ឆ្នាំមុន។

លោក បៃដិន បាននិយាយនៅក្នុងសេចក្តីថ្លែងការណ៍​ ថា​ «កម្លាំងទ័ពមិនគួរស្វែងរកការផ្តួលរំលំឆន្ទៈរបស់ពលរដ្ឋ​ ឬ​ ប៉ុនប៉ងលុបចោលលទ្ធផលនៃការបោះឆ្នោតដែលគួរឱ្យទុកចិត្តបាននោះទេ»។

លោក​បាននិយាយថា​ អាមេរិកបានដកទណ្ឌកម្មពីមីយ៉ាន់ម៉ាកាលពីមួយទសវត្សរ៍កន្លងទៅដោយសារមីយ៉ាន់ម៉ាមានវឌ្ឍនភាពឆ្ពោះទៅរកលទ្ធិប្រជាធិបតេយ្យ។

លោក បៃដិន បានបន្ថែមថា​ «បញ្ហានេះនឹងត្រូវពិនិត្យមើលឡើងវិញជាបន្ទាន់​ ហើយអាមេរិកនឹងក្រោកឈរកាពារលទ្ធិប្រជាធិបតេយ្យនៅគ្រប់ទីកន្លែងដែលលទ្ធិប្រជាធិបតេយ្យកំពុងរងការវាយប្រហារ»។

អគ្គលេខាធិការអង្គការសហប្រជាជាតិ​ លោក អង់តូនីញ៉ូ​ ហ្គោតឺរ៉េស​ (António Guterres) បានហៅសកម្មភាពនេះរបស់កងទ័ពមីយ៉ាន់ម៉ា​ថា «ជាការប៉ះពាល់យ៉ាងធ្ងន់ធ្ងរចំពោះការកែទម្រង់លទ្ធិប្រជាធិបតេយ្យ» ខណៈដែលក្រុមប្រឹក្សាសន្តិសុខបានត្រៀមបើកកិច្ចប្រជុំបន្ទាន់មួយ។

ជាមួយគ្នានោះ​ អង្គការសហប្រជាជាតិក៏បានទាមទារឱ្យដោះលែងមនុស្សយ៉ាងហោចណាស់​ ៤៥នាក់ដែលត្រូវបានយោធាមីយ៉ាន់ម៉ាចាប់ឃុំខ្លួន៕

Continue Reading
Advertisement